Gjykata Penale Ndërkombëtare (ICC) ka vendosur që të bëhet hetimi i krimeve të pretenduara të luftës nga SHBA-të dhe të tjerët në konfliktin afgan.

ICC rrëzoi në ankesë një vendim të mëparshëm për të bllokuar hetimin, transmeton portali arbresh.info.

Aksionet e talebanëve, qeverisë afgane dhe trupave amerikane që nga maji 2003 pritet të ekzaminohen.

SHBA nuk është nënshkruese e ICC dhe nuk e njeh autoritetin e saj mbi qytetarët amerikanë.

Afganistani është, sidoqoftë, një anëtar i gjykatës.

Në prill 2019 një dhomë e procedurës paraprake në ICC vendosi që hetimi të mos shkojë përpara sepse nuk do t’i “shërbente interesave të drejtësisë”.

Prokurori Fatou Bensouda ka kërkuar një hetim zyrtar mbi krimet e pretenduara që nga viti 2017.

Një raport i vitit 2016 nga ICC tha se kishte një bazë të arsyeshme për të besuar që ushtria amerikane kishte kryer tortura në vendet e ndalimit sekret në Afganistan të operuar nga CIA.

Raporti gjithashtu tha se ishte e arsyeshme të besohej se qeveria afgane dhe talebanët kishin kryer krime lufte./arbresh.info/